സ്നേഹം കൊണ്ട് മാത്രമ്മാണ് ബന്ധങ്ങള്‍ നിലനില്‍ക്കുന്നത് ...,
സ്നേഹം ചിതലിന്‍റെ രൂപത്തിലാവാതെ നാം നോക്കണം...
ചിതലരിച്ച ഒരുപാട് ബന്ധങ്ങള്‍ നാം കണ്ടിട്ടുണ്ട് ...
അവിടെയൊക്കെ സ്നേഹം ചിതലിന്‍റെ  രൂപത്തിലായിരുന്നു ...

നിനക്കു  തോന്നുമ്പോള്‍ 

എന്നെ  മരോടണക്കുന്നു ,

 നിനക്കു  തോന്നുമ്പോള്‍

  നീ  ആട്ടിയകട്ടുന്നു 

എപ്പോഴാണ് നിനക്കു
തോന്നുന്നതെന്ന്  മാത്രം  അറിയില്ല....

"അരുകില്‍ നീ വന്നപ്പോള്‍ പാരിജാതം പൂത്ത സുഗന്ധം..."

പാരിജാതം പൂത്ത സുഗന്ധം  എന്ന് ഞാന്‍ പറഞ്ഞത് വെറുതെ ആയിരുന്നില്ല .

അത്  നീ എനിക്ക് തന്ന വസന്തത്തിലെ ഒരു പൂവിന്‍റെ മാത്രം സുഗന്ധമായിരുന്നു.

അകലങ്ങളില്‍  ആ വസന്തത്തിനു കാതോര്‍ത്തുകൊണ്ട്...

ഒരു പെരുമഴയുടെ തുടക്കത്തില്‍, മഴ തുള്ളികള്‍ ആര്‍ക്കോ വേണ്ടി കാത്തു നില്‍ക്കുമ്പോള്‍, ഒന്നും പറയാതെ പടിയിറങ്ങിയ നിമിഷങ്ങളുടെ ഓര്‍മ്മകള്‍ പാദേയമാക്കി മനസ്സില്ലാമനസ്സോടെ തുടങ്ങിയ ഒരു യാത്ര... ഇപ്പോള്‍... മടങ്ങി പോകാന്‍ കഴിയാതെ...

പ്രവാസ യാത്ര...

ഒരു പ്രവാസി ...
യാത്രയാരോടും പറയാതെ
പടിയിറങ്ങി...വാക്കും കേള്‍ക്കാതെ 
ഒരു വാക്കും മിണ്ടാതെ 
തല കുനിച്ചൂ...
ഇനി ഒരു വാക്കു മിണ്ടിയാല്‍ 
ഒരു നോക്ക് നോക്കിയാല്‍ 
ഈ യാത്ര ഇവിടെ നിന്ന് പോകും...
ഈറനായ്‌ കണ്ണുകള്‍ കേണു നോക്കി,
പൈതങ്ങള്‍ കാലില്‍ പിടിയമര്‍ത്തി...
തിരിയാതെ ഞാനും...
മനസ്സിന്‍റെ തേങ്ങലും...
അമര്‍ത്തി പിടിച്ചു ഞാന്‍ തരിച്ചു നിന്നു..
എല്ലാം കരഞ്ഞോന്നു തീര്‍ത്തു നോക്കാം,
ആണായി പോയതും നിര്ഭാഗ്യമത്രേ...